Village: Mulivai Safata
D.O.B: 30/01/1989:
Service: 02/10/2015 - Present
Facebook: @john.leone.9862
I lo'u olaga a'oa'oina i totonu o le Laumua mo e faigaluega i luga o va'a e telē sona ese'esega ma le auai atu ai lea i atunu'u mamao ma faatino galuega i luga o va'a. Sa maua le fiafia aua e mafuta lava ma matua ma aiga a'o feagai ai ma a'oa'oga mo ali'i Sailor i si tatou atunu'u, peitai ole auai atu ma galue ai i luga o va'a e telē sona ese'esega ma taimi a'o feagai ai ma a'oa'oga. O le auai atu ma galue ai i ia ituaiga galuega o se tulaga na matua'i faigata i lo'u olaga ona o se taimi muamua lea ua ou tu'ua ai o'u matua ma lo'u aiga. I le auai atu ai la ma fa'atino galuega sa iai le lagona o le fefe, o le fa'avaivai i nisi o taimi, o nisi o taimi e fiafia o nisi o taimi e fa'anoanoa ma maligi loimata ma alu le mafaufau i matua ma aiga. Ia ai ona ole taimi muamua o le olaga ua valavala ai. O nisi o taimi e mamafa galuega ma lagona le vaivai, o nisi taimi e feaga'i ma matagi ma le sou ole vasa, o nisi taimi e te'i le fa'alogo i upu ma tala a lē olo'o ta'itai'ina le galuega, peita'i o le mafuta ile Atua i le tatalo e galo ai tiga. E leai se mea e faigata i le Atua, ma o la'u a'upega lea i la'u galuega ole tatalo. E galo uma tiga i le fa'atasi mai ole Atua. I le taimi lenei ua faigofie le olaga ua ou iai i luga o va'a. Ua masani i galuega ua masani foi le fa'alogo i upu ma tala aemaise o uiga o tagata ese'ese mai isi atunuu o lo'o o matou mafuta.
E telē se aoga o la'u galuega i lo'u olaga aemaise o lo'u aiga. Ua le gata i le feiloa'i atu i tagata ese'ese ma atunu'u ese'ese ae ua telē se aoga o la'u galuega mo lo'u aiga ma lona atina'eina. Viia le Atua i mea ua na faia.